१.चाकरीको फूल
यहाँ बनावटी योग्यताको हुरी चलेको छ,
संस्कृति अनास्थाको दियो बलेको छ,
सबैलाई मालामाल हुने इच्छा जागेर होला,
चारैतिर सोर्स र चाकरीको फूल फुलेको छ ।

२. जनता
खल्वाटको टाउकोमा केसको महत्व हुन्छ,
सुन्दरता प्रतियोगितामा भेषको महत्व हुन्छ,
जनता त फाटेका तास भइसकेका छन्, हजुर–
यहाँ चुनावमा मात्र राष्ट्रियता र देशको महत्व हुन्छ ।

३. अन्तर
दुई आँखाको मिलन हुनै सक्दैन
किनकि बीचमा नाकको डाँडी छ ।
फोस्रो आडम्बर देखाएर के भो ?
जनताको वास्तविकता त उही कोरा र खाँडी छ ।

४. काठमाडौं
कथा–व्यथा छरिएका छन् चारैतिर
फोहरका थुप्राहरू बडाउँदै
काठमाडौं !
हुनेहरूका लागि सधैँको सहकाल
नहुनेहरूका लागि दिनैपच्छिे अनिकाल
यो देशमा दुईवटा काठमाण्डौ छन्–
एउटा राजधानी काठमाडौं !
अर्को गरिबधानी काठमाडौं !!

मन्थली, रामेछाप