बद्रीप्रसाद दाहाल ‘भस्मासुर’राम ! राम !!
गाला चिल्ला, सुटबुट कसी, क्रीजले टल्किएका ।
मुठ्ठी बाट्दै, छलफल गरे, एकता बल्झिएला ?
जे छन् हाम्रा, विधिनियमका, दण्डकारी विधान ।
च्यात्ने धम्की, अतिसय चल्यो, हुन्छ यल्ले निदान ?
चिल्ला गाडी, सुख सयल वा मोज मज्जा गरेर ।
हिँड्छन् नेता , कमिसन लिदै, सर्बहारा भनेर ।।
माले बोल्द्यौ, हिगल उठिद्यौ, बोल बोको हराम ।
मार्क्सवादी हो, कम्युनिजम नै, आज भो राम ! राम !!
धादिङ
