नरनाथ लुइँटेलभरयाङ्ग
लिफ्ट अनि लिस्नु यात जेसुकै हो भरयाङ्ग
मान्छेलाई माथि लाने भरयाङ्ग हो भरयाङ्ग
गन्न सके चुनावमा नोट पनि भरयाङ्ग
चढ्न जान्यो भने फेरि भोट हुन्छ भरयाङ्ग ।
लस्करै पो लागेको छ भरयाङ्गमाथि भरयाङ्ग
तिमी भरयाङ्ग, म नि भरयाङ्ग, हामी भरयाङ्ग
हामीमाथि सवार छन् बेसोमती भरयाङ्ग
हाम्रो करङ बनिरे’छ बापतीको भरयाङ्ग ।
कसैलाई चाकरीको ‘डिफेन्स’ हुन्छ भरयाङ्ग
कसैलाई टिकटपाउने ‘लाइसेन्स’ हुन्छ भरयाङ्ग
कसैको त जुँगा अनि दारी पनि भरयाङ्ग
कसैको चैं पारीसँगै सारी हुन्छ भरयाङ्ग ।
बुद्धिहिन लठुवालाई घस्ने तेल भरयाङ्ग
कसैको त जेल अनि नेल हुन्छ भरयाङ्ग
काठ फलाम्भन्दा कडा मान्छ बन्यो भरयाङ्ग
भरयाङ्गमाथि भरयाङ्ग चढी भान्से बन्यो भरयाङ्ग ।
आमा, काका, भिनाजु वा बाउ बन्छ भरयाङ्ग
जैलेसुकै छक्का पर्ने दाउ हुन्छ भरयाङ्ग
ताइतुइ केही छैन ताली खान्छ भरयाङ्ग
गजब छ कसैकी त साली बन्छ भरयाङ्ग ।
