कौडी बन्छन् कविता
ब्वाँसोहरू राज गर्छन्, लखेटिन्छन् सालकहरू
सहजकर्ता पछारिन्छन्, शिखर चड्छन् बाधकहरू ।
जब माटो लत्याइन्छ, राहु(केतु दाहिना हुन्छन्
ढाडिइन्छन् दलालहरू, चाउरी पर्छन् लेखकहरू ।
बेश्यालय मौलाउँछन्, बोतलहरू बहुलाउँछन्
प्रकाशकको बधशालामा, सेरिइन्छन् पुस्तकहरू ।
अनिकालले ग्रसित हुँदै सुकेनासले पीडित बन्छन्
साहित्यका किसानसँगै कथा नाटक रुपकहरू ।
हुँडारको साम्राज्यमा, बाँदरको जिमदारीमा
कौडी बन्छन् कविता र गजल कथा मुक्तकहहरू ।
२०७३ जेष्ठ २२
काठमाडौ