के के भन्छन् ! भन्छन् !
१. ‘या निशा’ पो अघि भन्थे ! ज्ञानी ज्ञान वोल !
जथाभावी ज्ञान पोख्छन् ! के के भन्छन् ! भन्छन् !
२. धर्म व्याख्या कमाउन अर्का व्याख्या उस्तै !
नेपालमा कमाउन के के भन्छन् ! भन्छन् !
३. कत्रा विद्वान् ! कत्रा ज्ञाता ! आफ्नो ज्ञानलाई
आफैं राहु केतु वन्दै के के भन्छन् ! भन्छन् !
४. लोक तन्त्र आएको छ ! नरिवल भयो !
प्रगतिको विरोधमा के के भन्छन् ! भन्छन् !
५. कवि स्रष्टा सृजनामा आधाउधि मात्र
राज नीतितिर दौडी के के भन्छन् ! भन्छन् !
६. केको ज्ञान केमा पोख्छन् ! सर्वज्ञ रे ! हरे !
कति मान्य वुद्धि भ्रष्ट ! के के भन्छन् ! भन्छन् !
७. ‘वाँच अनि यी टोड्काले हेर्नु पर्छ !’ भन्थे !
हो पो रे’छ ! वुद्धि भ्रष्ट के के भन्छन् ! भन्छन् !
८. भविष्यका छक्क पर्लान् ! इतिहास पढी
भविष्यको शोच विनै के के भन्छन् ! भन्छन् !
झर्रो नेपाली घर, चन्द्रगढी झापा