भित्र कर्द हुन्छ कतै
घाम झुल्कोस् पश्चिममा भन्ने सर्त हुन्छ कतै
राष्ट्रियता मिथ्या ठान्ने ठुलै बर्ग हुन्छ कतै ।
माटो पनि चन्दन सरि बन्छ कुना कन्दरामा
छारो ठान्दा त्यसैलाई निक्कै हर्ष हुन्छ कतै ।
सिटामोल र जीवनजलको दर्शन नपाई मर्छन् कहिं
आँखा चिम्ली करोडौं र अरब खर्च हुन्छ कतै ।
स्वतन्त्रता छाडा बन्छ अख्तियारी खुँडा बन्छ
प्रजातन्त्र लोकतन्त्रको भिन्नै अर्थ हुन्छ कतै ।
‘प्रसाद’हरू बाँड्छु भन्ने पुजारी र पण्डितहरू
साधु ठानी ढोग्न गयो, भित्र कर्द हुन्छ कतै ।
२०७३ असार ३
काठमाडौं