बद्रीप्रसाद दाहाल ‘भस्मासुर’फेसनको बहार
आयो फेसनको बहार अब ता, आँखा भए चञ्चल
जामा म्याडि र स्कर्ट औधि पतला, मच्चाउँने हल्चल ।
नाङ्गै छन् उर ढाड वा उरु अहो, डढ्ने भएछन् तन
आयो फेसनको बहार अहिले, हल्लन्छ धेरै मन ।।१।।
मात्रै छन् कुच कञ्चुकी उर खुलै, लोला र नाभि खुला
धेरै टाइट बस्न नै कठिन छन्, बित्ता कुरेतै लुगा ।
लाखेकै सरि केश रङ्ग रमिता, जिङ्ग्रिङ्ग हुन्छन् सदा
आयो फेसनको बहार अब ता, भन्छन् नयाँ सभ्यता ??
धादिङ
