सत्तामा पगरी गुतेर जसले, रित्याउथे कोश नै
अग्ला बिल्डिङमा सुतेर जसले, सिध्याउँथे कोश नै ।
जस्को देश–विदेश बैक घरमा, टन्नै छ पैसा धन
त्यै बन्दैछ विशिष्ट–शिष्ट अहिले, सर्कारका सज्जन ।।१।।

हाम्रा पूर्व विशिष्ट के गरिप छन् ? वा त्याग अग्लो छ ता
तिन्का के इतिहास छन् मुलुकमा, वा सिर्जना– सभ्यता ।
निस्वार्थी कि त त्याग–मूर्ति उपमा, छन् यी पुराना– गण ?
उन्लाई सुबिधा दिएर कहिल्यै, बन्दैन क्वै सज्जन ।।२।।

भ्रष्टाचार अपार भो विगतमा, यै शिष्टका कालमा
उन्लाई सुबिधा दिने किन भन्यौ ? दुर्भिक्ष यो कालमा ।
जाच्द्यौ पूर्व विशिष्टका धन बरू, भूकम्प पीडा बुझी
धेरै सम्पति जफ्त गर्न कसिए, सत्न्याय हुन्थ्यो खुशी ।।३।।

भो भो पूर्व विशिष्ट शिष्ट बनिद्यौ, रालै नकाट्द्यौ अब
तिम्रा देन अपूर्ब त्याग बबुरो ! देखाउने के छ र ?
धेरै चुस्न हुँदैन है मुलुकको, रित्तीसक्यो कोश नै
गीता पढ्न छुट्यो कि पूर्व रथि हो ! सत्सङ्ग खोजून् सबै ।।३।।

धादिङ