पहिले म अनि तिमी बन
पहिले म अनि तिमी बन
या तिमी अनि म बन्छु
पहिले महामहिम मलाई भन
अनि पछि म तिमीलाई भन्छु
देश चलाउनु पर्दै पर्दैन यार
यसरि नै आफै नै चलिरहन्छ
कहिले तिम्रो ओठ र आँखा
कहिले मेरो चौडा निधार बलिरहन्छ
तिम्रो र मेरो मिलन र सहमति
बाजी मार्ने जीतै जीतको खेल हो
हाम्रो भूमीमा स्थिरता होला न होला
हामीलाई काईदा र फाईदाको भेल हो
तिमी बने म पालो कुरिरहन्छु
म बने तिमीलाई फकाई टारिरहन्छु
कहिले म त कहिले तिम्रो खोजीमा
एक एक प्रति सम्झौता हाम्रो गोजीमा
पालैपालो बाडेपछि मेरो र तिम्रो भाग
म एउटा शक्ति तिमी अर्को शक्ति
तिम्रो पार्टी र मेरो पार्टी कार्यकर्ताको
सधैँ तिमी र सधैँ मलाई भक्ति ।
लस एन्जेलस