धिक्कार, धिक्कार, झन् !
बाहूको बल छन्, धनै अतुल छन्, नाता परे सुप्रिमो
लागून् पोल्टिसमा, जयै–विजय छन्, छैनन् भने कुप्रियो ।
खस्क्यो है दलमा, विचार –क्षमता आचार झन् पग्लिए
हेप्छन् मूल्य र मान्यता बिथिति भो, चैतेहरू अग्लिए ।।
झन्डा वा दल नीति दर्शन सबै, बेअर्थ बेअर्थ भो
सिद्धान्तै जति भासिँदा दल यहाँ, बेतर्क बेतर्क भो ।
गूटैको छ जताततै बिगबिगी, पार्टी त बेकार छन्
जो संस्थापन गूट नै दल अरे ? धिक्कार धिक्कार ! झन् ।।
धादिङ