डिल्लीप्रसाद अधिकारीप्रेम दिवस भन्दै सबै प्रेमगीत गाउँछन्
प्रेम दिवस भन्दै सबै प्रेमगीत गाउँछन् सानु
देउराली र पार्क अनि डिस्को खुबै धाउँछन् सानु ।
भ्यालेन्टाइन भन्दै यहाँ मरिमेट्नेहरू धेरै देखें
हामी पनि जाउँन त्यहाँ कस्तो माया लाउँछन् सानु ?
रातो फूल गुलाबको बोक्दै हिंड्या देख्दैछु म
फूलसँग कति चोखो माया साट्न पाउँछन् सानु ?
हाम्रो प्रेम त मुनामदन भन्दा माथि पुग्नु पर्छ
हामी अलि छुट्टै बसौं सबै त्यतै आउँछन् सानु ।
धादिङबेंसी
