लक्ष्मण नेवटियाअरु म केही भन्दिनँ
हो बस्नु होइन,
दगुर्नु हो जिन्दगी
तर लक्ष्यहिन भै दगुर्नु होइन जिन्दगी,
दगुर्दा दगुर्दै बसन पनि
आउनु पर्छ जिन्दगीमा
उनीहरूसँग जसले
दगुर्दा तिम्रो उत्साह बढाए
ताली बजाए
तिमीसंगै भ्याएसम्म दगुरेर
तिम्रो साथ निभाए ।
लक्ष्यहिन तिम्रो दगुराइले
तिमी पुगन सक्छौ
बियावान अनकन्टार ठाउँमा
जहाँ धेरै थोक हुन सक्छ
तर हुँदैनन् ती
जसका लागि तिमी दगुरेका थियौ ।
जसको साथ पाएर तिमी दगुरेका थियौ ।
अब निर्णय तिम्रो छ ।
दगुर्ने मात्रै कि सोचेर दगुर्ने
कि एक क्षण उनका लागि बसिदिने
जसका लागि दगुरिरहेका छौ ।
निर्णय तिम्रो छ
अरु म केही भन्दिनँ ।
विराटनगर
