उसले बिदेश जान्छु भन्यो पठाइ दे
पिलेनमा जान्छु भन्यो टिकाट कटाइ दे
उता गए पछी साउले अर्कै डयुटी खटाइ
गर्दैन त्यो भन्यो साउले हटाइ दे
अब फर्केर पैसो पो फिर्ता माग्छ
त्यो हराम कि म हराम
तिमी भनी देउ त काशिराम ।

धोका पाउलास् नि भनेकै थेँ
फर्की आउलास् नि भनेकै थेँ
उसले जसरी हुन्छ जान्छु भन्यो
जस्तो हुन्छ गरी खान्छु भन्यो
मैले फ्याक्टरीमा काम गर्ने गरी पठाइ दँे
तर मालिकले भेडा चराउन खटाइ दे
फर्केर आएर पैसो पो माग्छ
त्यो हराम कि म हराम ?
नढाँटिकन भन त काशिराम ।

इन्डोर काम नभने ऊ नजाने
आउटडोर काम नभने ऊ नलाने
कृष्णले जस्तै मैले पनि
अलिकति झुठ बोल्देँ
खाने बेला पैसो म्यान पावरले खाए
बजियहरूले मेरो खाली नाम पोल्दे
कमाउने बेला म्यानपोवेरले कमाउछ
त्यो आएर मलाई पो समाउछ
त्यो हराम कि म हराम ?
इमान्दारिकासाथ भन त काशिराम ।

दाङ, हाल काठमाडौं