एक
भू.पू.राष्ट्रपति टोल त पल्लो हो नि हजुर
मह काडे हात नचाट्नु खल्लो हो नि हजुर
ढुटोमाटो सिकोकुचो बाँकी राख्न हुन्न
अन्य पदको टोल खोजे तल्लो हो नि हजुर ।

दुई
भुत्राको लाज
मौकामा चौका हान्न
बनिन्छ बाज ।

तीन
लोकतन्त्र मीठो लाग्छ फलालो रैछ बोट यो ।
गुणगान गरे खान मिल्छ बाक्लो छ रोट यो ।।

चार
यो देशलाई खैरोले खायो
सत्य चलन माटोमा मिलायो ।

पाँच
खेली
गोरु पनि ब्याउँछन्
पुर्पुरामा भए त
जून दाइने रहे त ।


जुँगालाई भाग छ
परानेलाई काग छ
भेडालाई साग छ
इतिहासमा दाग छ ।

गुल्मी