गर्दैनन् केहि काम हाम्रा नेता 
हुँदा आफू सत्तामा 
पालिन्छन् आफू र आफन्तहरू 
विभिन्न नामका भत्तामा
 
छैन केहि सुखसुबिधा 
भोट दिने ती जनतामा 
फुट्छन् जुट्छन् अनि मस्ती गर्छन् 
फुटाउँछन् साथीभाइ घरमा 

चुनाव अघि घरदैलै पुग्छन्
जितेपछि भेटिन्नन् तिनकै घरमा
कहिले रामे अनि श्यामेको पालो
छैन थिर कुनै पाटीको नेतामा 

हाम्रो अमूल्य मत भो सधै
कुहिएका नेता छान्ने परीक्षण 
भोका आएर भुँडी भरेरै जाने
मेरो देशको राजनीति बिलक्षण !

बुढानिलकण्ठ, काठमाडौं