बद्रीप्रसाद दाहाल ‘भस्मासुर’चुनावका दुई ठोक्तक
१. आह्वान !
जराजीर्ण—बासी, त ‘काशी’ पुर्याऔँ
पुराना—कबाडी, मिलेरै हुर्याऔँ । {{read_more}}
परीक्षा भएका, लुला पात्र छोडौँ
उडन्ते— घुमन्ते, फटाहा नजोडौँ ।। १ ।।
नयाँ पूmल फुल्दै, धरा मग्मगाओस्
पुराना र अल्छी, किनारा समाओस् ।
अहो ! ‘दक्ष माली’, बगैँचा उघारौँ
महा—मूल्यका, ‘भोट’ हाम्रा सपारौँ ।। २ ।।
२. मतदातालाई अपिल
न हौ भेडा बाख्रा, हुल–हुजतको त्रास नपरौँ
फकाए–धम्क्याए, विचलित नभै, सम्मति छरौँ ।
फटा–पाजी–लाछी, अब त नचुनौ, दुष्ट–अगुवा
चुनौ ब्रम्हैदेखि, पठित–जनमार्गी, नव—युवा ।। १।।
उनै छेदी–भेदी, ढुकुर–उर सानो मुटु हुने
उनै कैला–मैला, परिजनसँगै मात्र रहने ।
उनै लुट्ने कुट्ने, प्रतिगमनका नीच– लठुवा
नछानौ स्वामीका, अनुचर कयौ पाद—चटुवा ।। २ ।।
धादिङवेँसी
