१. प्रश्नोत्तर 
यो राज्य कस्को ? छलछाम जस्को
उत्थान कस्को ? ठग जो छ त्यस्को
सामथ्र्य कस्को ? छ लडाकु उस्को 
सम्मान कस्को ? जुन मूर्ख त्यस्को ।

२.अक्षरहरू 
हजारौं मनहरू चर्केर बसेका छन् 
बेगिन्ती दिलहरू धर्केर बसेका छन् 
स्वार्थका तुम्बाको दौडधुप निरन्तर 
घाउमा नुनचुक छर्केर बसेका छन् ।

३. ल है 
जसरी पनि ऐलेको चुनाब हात नै पार्नु छ 
साथीका घर शहरमा बने म पनि सार्नु छ 
गाउँमा बसे शानमान घट्ने छर्लङ्ङ बुझियो
यहीं म बस्छु भन्न त पर्यो कुरै त टार्नु छ ।

४. यही त होस् 
शदियौंदेखि बुद्धिको शोषण भएरै आएछ 
सुखको खोजी गर्नेले यहाँ झन दुःख पाएछ 
के गर्ने हजुर लाटा र सोझा ठगिने मात्र हो
सामन्ती जाली शोषकका गीत देशले गाएछ ।

हाइकुमै दनक

१. बासी बक्यौता
उधारो आश्वासन 
झूट सम्झौता
धनको खोलो 

आचारसंहिता झ्याम् 
लौ जय बोलो ।

२. जित
पैसाको जित
ओइरो जस्ले हाल्छ 
उसैको हित ।


३.बनाउने रे !
बनाउने रे
समय बितेपछि 
गनाउने रे ।

गुल्मी