लचिलो प्रजातन्त्र
स्वर्गबाट छुट्टी मिल्छ भोट हाल्न आउन
यहाँबाट बृद्धभत्ता सजिलो छ पाउन ।
पृथिवी र स्वर्ग पनि आवतजावत चल्छ
हम्रो प्रजातन्त्र जस्तो बन्यो त्यस्तो फल्छ ।{{read_more}}
लुकी छिपी यौटा मान्छे दस भोट हाल्छ
अधिकृतले लुकाएर गड्डी दिन थाल्छ ।
बुथ कब्जा गर्न पनि निर्देशन हुन्छ
लाठामुङ्ग्रा बिटो परी उफ्री आकास छुन्छ ।
जसो गरीकन पनि जिताउनै पर्छ
हुलदङ्गा मचाउनेले अचाक्ली पो गर्छ ।
मान्छे त्यहाँ नगए नि अर्को भोट हाल्छ
त्यस्ता मान्छे बफादार पाटीले नै पाल्छ ।
गुल्मी