चूडामणि रेग्मीदृढ छु म साथी !
निरर्थक दिन वित्छन् कहाँ त्यसै साथी ! सुते पनि उठे पछि चेत वाँड्छु साथी !
१
निरर्थक दिन वित्छन् कहाँ त्यसै साथी ! 
सुते पनि उठे पछि चेत वाँड्छु साथी !
२
कुधुरी नै कुधेका यी गोडा कुध्नै खोज्छन्
वुढ्यौलीले वसे पनि मन उड्छ साथी !
३
समयले कक्र्याउँछ खुम्चिनु नै पर्यो !
नङ्ग्रा दाँत खिएको म वाघ हुन्न साथी !
४
वालक झैं गतिविधि रमाइलो मान्छु चुप्प !
तर रमाउँछु कुँजिए नि साथी !
५
बिसाउन वस्नु पर्दा कुँजिए यी गोडा
कल्पनामा दौडिया’छु अचेल म साथी !
६
पढ्ने वानी ! लेख्ने नसा ! लुरे भए पनि
दत्तात्रेय भएको छु खोज्ने ज्ञान साथी !
७
उल्टो पनि वाङ्गो पनि कैयौं वुढा हिंड्ने !
जिउँदै नै किन मर्छु ? साथी !
८
राम्रा राम्रा कुरा हाम्रा नछोड्ने छ वाचा
प्राण जाओस् ! नर्क जान्नँ दृढ छु म साथी !
२०६९/७/२०
झापा
