१. 
गाईजात्रा चल्यो त्यो भीरमा कुर्सीमाथि फर्सी राख्न
पुच्छरे बूढो गोरु छ पिरमा कुर्सीमाथि फर्सी राख्न
नोट भोटले अघाएर फर्सीझैं भए चौखुरेहरू
लडे उडुस उपियाँ आखिरमा फर्सीमाथि फर्सी राख्न ।

२. 
नक्कलीले जुम्रा केलाई चम्कनालाई फ्याली क्यारे !
पुन्टे भुन्टे जन्माउने सम्झनालाई फ्याली क्यारे !
टाउकोभित्रै खेल्न थाली मुर्कुट्टा नै रैछे मोरी
म्वाइ खाएका लाम्खुट्टेझैँ चाहनालाई फ्याली क्यारे !

३.
जिस्क्याउने ती बङ्गारा बीस वर्षमै भाँचिए हुन्थ्यो
स्वयम्भूकी सुन्दरीसँग बरु प्रीति गाँसिए हुन्थ्यो
ती चरीलाई सिकारीको मट्याङ्ग्रोले छुन नपाइ
लभ गर्ने दिलको चाबी यसै बाङ्गिए हुन्थ्यो । 

केवलपुर, धादिङ