स्वदेश विदेश हरेक नाममा उठाउँदैछन चन्दा 
हिसाब फर्स्योट गर्न नसकेर बन्दैछ घाँटीमा फन्दा
बाढी पैरो आयो भूकम्प आयो चन्दा धेरै उठायो
फर्केर कहिले हेर्नु भयो त त्यो पैसा दुखीले पायो
खोला र नाला बढेर आयो गाउँ बस्ति करायो
भूकम्प, बाढी पीडितको चन्दा बाटोमै हरायो
क्या राम्रो बस्ति आँखामै बस्ने पैरोले खनेछ
चन्दा उठाउने घरजग्गा किन्ने ब्यापार नै बनेछ
दुखीको लागि भिक्षा दान माग्नु मानव धर्म हो
मागेको भिक्षा दुखीलाई बाँड्नु माग्नेकै कर्म हो
दुखीको नाम बेचेर चन्दा सोर बटुर पारेर
पापको घैंटो भरिंदै जान्छ टारिन्न टारेर
हे वीर नेपाली कति दिन गर्छौ झुठको यो धन्दा
दुख र जीलो गरेरै बाँच नउठाऊ यो चन्दा
गोहीका आँसु झारेर किन नाटक गर्दछौ
सच्चाई थाह हुनेछ एक दिन संकटमा पर्ने छौ ।
जर्मनी
