१.
गाऊँ बिगारेर सहर बन्दैन
वालुवा थुपारेर महल बन्दैन
तरिका हुन्छ कामको पनि
खहरे थुनेर सागर बन्दैन

२.
ढ्याङ्ग्रो ठोकुन् कि तवला बजाउन फरक पर्दैन
मण्डप बनाउन कि चिता सजाउन फरक पर्दैन
पेट भरिन्न आङ ढाकिन्न आश्वासनका पुलिन्दाले
मजदूरका लागि जो आउन र जाउन फरक पर्दैन

३.
मेरो शेषपछि सत्ता बाँडेर चलाउनु होला
गाँजा रोपेर भाषणमा मेवा फलाउनु होला
अन्तिम इच्छा सुनाउँदै भन्नु भयो नेताज्यूले
आर्यघाटमा पनि मलाई कुर्सीमै जलाउनु होला

४.
पायो कि गुमायो मनले हिसाव कहाँ खोजूँ
मनको इतिहास लेखिएको किताव कहाँ खोजूँ
अलिकति दुख्यो आफै अलिकति दुखाएँ मैले
जित्यो कि हा¥यो मनले निसाफ कहाँ खोजूँ

५.
बाबु बगैंचा हुन् र आमा सौन्दर्यकी मजुर हुन्
दीपक हुन् आमा र बाबु सुगन्धित कपुर हुन् 
घर भन्नु त आस्था र विश्वासको मन्दिर हो 
बाबु भन्नु छानो र आमा त्यसको गजुर हुन् ।