सक्षम र सवल प्रदेश,सुनिश्चित अधिकार

मिस यु काठमाडौं

Nepal Telecom ad

काठमाडौं छोडेको आज ठिक एक महिना बितेछ । दोश्रोपल्ट एडेलैड आएको तर मलाई त एकवर्षै बितेजस्तो पो लागिरहेको छ । {{read_more}} एकवर्ष बितेजस्तो लाग्नु पनि  height=स्वभाविकै हो । त्यहाँको हावापानी त्यहाँको वातावरण छोडेर हिँडेको भोलीपल्ट चिनको ग्वान्झाउमा पनि त्यस किसिमको वातावरण भेटिएन । पर्सिपल्टदेखि एडेलैडमा छु । यहाँको वातावरण शान्त अनि स्वच्छ, जताततै हरियाली, चिल्ला सफा सडकहरू कतै धुलो उडेको छैन । कतै खाल्टाखुल्टी छैनन् । कतै ढल फुटेर सडकमा फोहोर देखिएको होईन । पानीका पाइपहरू फुटेर सडक जलमग्न छैन । सारै गाह्रो पो पर्दोरहेछ यहाँ त आफूलाई एडजस्ट गर्न । काठमाडौंमा जस्तो जता गयो उतै सडक जाम भएर हिँडिनसक्नु पनि  छैन । त्यहाँको जस्तो सडक भरी तँछाड मँछाड गर्दै विनालेन कुदिहरहेका गाडीहरू छैनन् । सडकमा कतै एउटा ट्राफिक पुलिस देखिएको हैन । चोक चोकमा हरिया, पहेला अनि राता लाईटहरू पालैपालो बलेका छन् । गाडीहरू कुनै स्वचालित कन्ट्रोल सिस्टमले चलेका जस्ता एकनासले चलेका छन् । जताततै पार्किङ्गको सुव्यस्था गरेकोले अव्यवस्थित पार्किङ्ग छैन । कस्तो दिक्क र उदेक लाग्दो । 

नेताको हुन, जनता को हुन, पार्टी कुन हुन र तिनले के काम गर्छन कहिँकतै सुईको पाईएको होइन । यहाँका पार्टीहरू के गर्दा होलान खै कसरी जनताले तिनीहरूलाई सपोर्ट गरेका होलान् । एकदिन सडकमा ओर्लिएर जिन्दावाद मुर्दावाद भनेको सुनेको छैन । विद्यार्थी पनि छैनन् कि के हो ? कहिले आन्दोलन छ रे भनेको सुनेको हाईन । आफू त नेपालको एक अभ्यस्त पार्टी कार्यकर्ता परियो, काम नपाएर हैरान । यता आउने वित्तिकै अंग्रेजी नयाँवर्ष (न्यु यर) प¥याथ्यो । न्यु यर इभमा सिटिमा भएको कार्यक्रम हेर्न भनेर गएको भव्य लाइटिङ्गसँगै कार्यक्रम सम्पन्न भयो । कार्यक्रममा त्यहाँका लर्ड मेयर आउनु भएको रहेछ तर कतै सुरक्षाकर्मीहरू थिएनन् त्यत्रा ठूला मान्छे उपस्थित भएको ठाउँमा पनि सुरक्षाकर्मी नहुनु भनेको त अचम्मै हो, मलाई त्यस्तो लाग्यो । कार्यक्रममा आफ्नो स्पीच सकेर लर्ड मेयर लुसुलुसु हामी भएकै हुलतिर आए वत्ती झलमल्ल बलिरहेकोले उनको अनुहार स्पष्ट देखिएको थियो । हामी छेउ आइपुगेर हामीलाई हेर्दै हैप्पी न्यु यर पो भने उनले हामीले पनि हैप्पी न्यु यर भन्यौँ । अगाडि पछाडि कुनै बडिगार्ड होलान् कि भनेर यताउता हेरें कतै कोही थिएनन् । लर्ड मेयर एक्लै फर्किए । हैंट ! यस्तो अपमान लर्ड मेयरको यहाँ, बरू हाम्रो देशमा त देश सानो भएनि मानसन्मान त ठूलो पो रहेछ त गाँठे नेताहरूको । अगाडि पछाडि टन्न कालोचस्मा लगाएका भुस्तिघ्रेहरूले घेरिएर हिँड्न पाइने । ट्वाँ ट्वाँ साइरेन बजाउदै अगाडि पछाडि गाडीका लस्कर लिएर कुद्न पाइने ।

हैन यहाँ पत्रकारहरू पनि छैनन् कि कसो ? पत्रपत्रिकाको बगे्रल्ती पनि देखिँदैन । कतै कसैको उछित्तो काडेको पनि देखिँदैन । हाम्रोमा त टिभितिर ठिनेमिने सबै लस्करै देखापरेर आफ्ना बडाइचडाई गरिरहन्छन् यहाँ त त्यो पनि छैन । कस्को के छ, कस्को कस्तो छ सबै भनिरहन्छन् । यहाँ त त्यस्तो केही सुन्न देख्न पाइएको पनि हैन । काठमाडौंमा सडक पेटीभरी व्यपारिक सामानहरू जताततै हुन्छ, बाटो हिँड्नै सास्ती तर पनि बटुवाले केही भन्दैनन् उल्टो तिनको सामान कुल्चिएला हेर्दैनहेरी कसरी हिँडेको भनेर गाली गर्छन् । यहाँकाहरूले त व्यापारै नगर्दा हुन् कि खै कतै बाटामा देखिँदैनन् । यहाँ छिमेकीहरू कहिल्यै कुनै कुरामा गुनासो गर्दैनन् । काठमाडौंमा त बाटामाको हिँडिराखेका छन् पनि नहेरिकन गमलामा पानी खन्याउँछन् तल बटुवालाई चुर्लुम्म पार्ने गरी । वा कति रमाइलो छ हाम्रो काठमाडौं । कहिले पानीका लागि भनेर सडक खनिन्छ । कहिले के का लागि खनिन्छ । सडक भरी ध्वजापतका सरी केवल टिभिका तारहरू लहरिएका छन वा कति सुन्दर देखिन्छ हाम्रो काठमाडौं । मरें म त न्यास्रो लागेर । मिस यु काठमाडौं । सि यु सुन । 
२०७४ माघ महात्म्य अशोक फित्कौली सम्बादे १२ गते रोज ६ शुभम्
काठमाडाैं

Fitkauli Publication Books comming soon
Nepal Telecom ad
भाउ बढेछ

भाउ बढेछ

अशोककुमार शिवा
याद

याद

अशोककुमार शिवा
राष्ट्रका गहना

राष्ट्रका गहना

अशोककुमार शिवा
खटियाको गुनासो

खटियाको गुनासो

अशोककुमार शिवा
स्पोन्जबल

स्पोन्जबल

अशोककुमार शिवा
पित्त जत्रो चित्त

पित्त जत्रो चित्त

अशोककुमार शिवा