वर्षा भो सपना अनेक रङका बाढी यसैको चल्यो 
हेर्दैमा निबुवा ढपक्क हुन गो अम्बा त्यहीँ पो फल्यो
बोरा चामलका हिँडेर सहजै भान्छातिरै पो पसे 
नाङ्गो आङ जडेर स्वर्ण कपडा दर्वारभित्रै बसे ।

भैगो प्रात नआ मजा छ यसमै डुब्दै रहूँ गर्वले 
हाम्रो भाग सदैव मिष्ठ सपना देख्दै रहूँ हर्षले 
बुझ्ने भाग झिकेर मस्तक खुला पार्दा अझै सुन्दर 
जा जा जा परजा सदैव विपना सप्ना रहोस् अम्मर ।

काठमाडौं