मोह छोड्न सके पो 
हुने रहेछ बुद्ध !

एक छाक भोज 
एक पेग ह्विस्की
एक जÞोर सूट 
एक थान सारी 
एक सेट गहना 
एक पद 
एक विशेषण

एउटा काम चलाउ घर डेरा
एउटा पुरानो बाहन 
संग्रह गरेर 
कति दम्भ ?

त्यसैको गौरब गाएर
खिइंदै गएको सम्झना 
कसैले स्वार्थवस दिएको प्रशंसा 
एक दिन यो सब छोडेर मर्नु पर्छ 
भनेर थाहा पाउंदा पाउंदै 
कबाड़ स्वार्थी सम्न्बन्ध 

जीवनको कुरुपतामा 
सौन्दर्य बोध गर्ने 
तँ, तिमी, तपाइं र हजूर 
अनि सबैभन्दा पहिले
आफैलाई 
ल्वाप्पा खुवाएं आज 
सबै कुरो सोहोरेर 
बुध्दका गफ दिन 
अलि सुहाएन कि !!

काठमाडौं