कुमारहरू आफ्नै पौरखमा
घुमे पटक पटक सुमेरु पर्वतहरू
घुमे भाइ गणेशहरू पनि
शिव पार्वतीहरूलाई र
भने
‘त्वमेव सर्व देव देव’
अनि पाए प्रथम पुज्य वरदान ।

....र
आठ रोटी पतिलाई दिनू
पति नभए छोरालाई दिनू
छोरा नभए मित छोरालाई दिनू
मित छोरा पनि नभए
खोलामा बगाउनू
अहँ !
कतै भेटिएन
महिनाभरि पढिएको स्वस्थानी वर्तकथामा
तैपनि छोरीलाई दिनू ।

विधानजसै युगौँदेखि मानिदै आएको
सुन्दै सुनाउँदै आएको र
चुपचाप गर्दै आएको यही हो
पहिलो पूजा गणेशकैै गर्छौं
हिजो पनि आज पनि
आठ रोटी, सुपारी र प्रसादका टुक्राहरू
बगाइरहेछौँ उसैगरी आज पनि ।

मेरो सानो जिज्ञाशा !
अव घोषणा हुने भनिएको
सङ्घीय÷समावेशी विधानमा
संशोधन हुन्छ कि हुँदैन ?
गणेशले पाएको प्रथम पुज्य वरदान ।
रोक लगाइन्छ कि लगाइँदैन ?
आठ रोटी खोलामा बगाउन ।
रोक लगाइन्छ कि लगाइँदैन ?
आठ रोटी खोलामा बगाउन ।