कस्ले बजार्ने छुरा ?
मै नेता हुँ, मलाइ आज सुबिधा, भत्ता र सत्ता अझै ।
मै खाने कमिसन् बिकास निहुँमा सम्मान खान्छू मजै ।। {{read_more}}
ठेकेदार र तस्करी, अजङका व्यापार गर्नेहरू ।
मोटो दाम चढाउँछन् महलमा ती कर्मचारी अरु ।। १।।
किर्ते कागज बन्दछन् सचिबका उम्दा हुने योजना ।
देखिनन् कहिल्यै परीक्षण हुँदा बेरूजु वा हर्जना ।।
आफ्नो हुन्न कमाइ, मीत–मितिनी–सम्धी बने साधन ।
बर्षौंनी ठडिइन्छ भब्य महलै, जग्गा, अनौठा धन ।।२।।
लाग्नेछैन नि अख्तियार कहिल्यै मुद्दा न सर्बोच्चमा ।
के हो ह्याग मलाइ ? सन्त–सहने छन् कार्यकर्ता ममा ।।
के गर्ला प्रतिपक्ष ? खुल्छ उसको पैला गरेका कुरा ! ।
तैं चुप्–मै चुप भो सबै चुप भयौं कस्ले बजार्ने छुरा ?? ।।
सिद्धलेक–१ धादिङ