मैले केहिदिन केहि लेखिन
केहि उल्लेखनीय नै देखिन
केहि उत्बोलनीय
केहि उत्दर्शनीय
केहि उत्भावनीय नै छैन
मैले केहिदिन केहि लेखिन ।

सतीदेवीको सर्वाङ्ग पतनपछि
बौलाएर
निर्बस्त्र हिंडेका महादेवलाई देखें
आफ्ना सहधर्मिणीका
आवश्यक्ताको उपहास गर्ने
परमेश्वरमा आशक्त
ऋषिपत्नीका इच्छानुकुला
परपुरुषाङ्गप्रति इर्ष्यापूर्ण श्राप बर्षाउँने
लाछी पतिहरूलाई देखें
तर
समयका उत्छालहरूलाई देखिन
जीवनका उत्हालहरूलाई देखिन
त्यसैले
मैले केहिदिन केहि लेखिन ।

हामी साँडे जुधाईको लडाँईं हेर्न बानी परेका
अरुका अग्ला घर देखेर
आफ्नु हियो जलाउँने गरेका
मन नपरेको बाटो गनाउँने
मन परेपछि जरैसम्म भ्याउँने
रमितै रमितामा रमाउँने
कुण्ठाको रागमा निर्मोही गित गाउँने
सपनाको सहरमा चुपचाप निदाउँने
उत्सङ्कल्पित जीवन हौं
तर
मैले केहि उत्भावनीय केहि देखिन
त्यसैले केहिदिन केहि लेखिंन ।

गाैरादह, झापा