दैबले नि भक्तबाट घुस खान्छन् होला
यमदुत घुस माग्दै स्वर्ग लान्छन् होला

बलि दिए काम बन्ने नत्र बिनास् हुने
कालीहरू खुनै खाइ जीवन धान्छन् होला

गाई दान गर्नेहरू स्वर्ग पुग्छन् भन्छन्
मलमुत्र दिने त्यो गाई कहाँ बान्छन् होला

शंका लाग्छ हाम्ले जस्तै देवताहरू पनि
फजुल् खर्च गरि गरि चाड मान्छन् होला
 
देउता पनि नेता नै हुन् छुट्टै पार्टी उसको
कार्यकर्ता लेबी तिर्न मन्दिर जान्छन् होला

आफ्नै भक्तबाट लुट्ने तिमी लुटेरालाई
कुनै दिन पुजारीले जुत्ता हान्छन् होला ।
 
सम्पर्क : ९०३४११८६८४
वेबसाइट :www.prakasharyal.com.np