थाहा छ अचेल, उसको गाउँमा बास छैन
चुनाव पछि हो, जनतालाई पनि आश छैन ।

हरेक पटक, ढाँटेर खाने बानी परेको छ
छान्नै परे पछि के गर्नु नछाने, बाँच्ने ढाडस छैन ।

चुनाव आउँछ जान्छ, ऊ पनि आउँछ जान्छ
निकै पछि शहरमा भेट्यो, चिनेको आभाष छैन ।

गाउँ हो, यसपाली गर्ला नि भन्यो, पत्यायो
बाँचेकै छौँ नङ्ग्रा खियाएर, कुनै त्रास छैन ।

फेरि पनि आउला नि, हामी सम्झेर गाउँले हो
राम्रो चुन्ने अधिकार हाम्रो, जीवित लाश हैन ।

आँखिभुइँ–८ संखुवासभा