धौलागिरी चढिसकेँ 
कान्चनजङ्घा चढिसकेँ 
अब सगरमाथा चढ्ने मन छ
मौसम झन अनुकुल भाको बेला 
कसले नचढ भन्छ ?
मलाई पनि सगरमाथा चढेर 
गिनीज बुकमा नाम लेखाउनु छ 
नाइजेरिया, उत्तर कोरियालाई उछिनेर 
संसारमा नम्बर एक भइ देखाउनुछ 
धरो धर्म एक पटक मलाई नि 
सगरमाथाको चुचुरो चुम्न मन छ
तर बेला बेलामा आएर 
यो अख्तियार भन्ने पो बाधक बन्छ ! 
यसलाई पनि नसा हालेर मह चटाइ दिन्छु 
टुलुटुलु हेरिरहन्छ बच्चाले झै, मजाले लट्ठाइ दिन्छु 
खै क कसले उक्साइ दिन्छ 
कुम्भकर्ण झै निदाएको बेला भुत भएर जाग्छ 
बेला न कुबेला  आएर कागजातहरु माग्छ 
मेरो बिरोध गर्नेहरुलाई 
मेरा भक्तजनहरु मार्फत भेटी पठाइ दिन्छु 
जजसले लिन मान्दैन यो, उसका पछी 
मेनका ,रम्भा भन्दा राम्रा केटी खटाइ दिन्छु 
केन्द्र देखी गाउँसम्म म मौलाएको बेला 
भनी देउ है भक्तजन सबलाई 
जसलाई जे पनि गर्न सक्छु,बौलाएको बेला 
यहाँ कसलाई थाह छ् मेरो के कति दम छ
चन्डमुन्ड महिषाशुर भन्नेहरुको पनि 
मेरो अगाडि झिङ्गाको शक्ति भन्दा कम छ
मैले चाहे भने 
यहाँ दुई तिहाइ सरकार पनि ढालीदिन्छु 
मलाई रोक्न खोज्नेहरु सत्ताबाटै फाली दिन्छु 
अब मलाई सगरमाथा मात्र हैन चन्द्रलोक नै छुन मन छ 
हेर्दै जाउ न भक्तजन, को को मेरो बाधक बन्छ ।
दाङ, हाल काठमाडौं