सिण्डिकेट हटेपछि
सिण्डिकेट हटेपछि मर्निङवाक नै छोडें ।
हिजो देख्या सपनालाई लोप्पा दिई तोडें ।। {{read_more}}
गाडी चढ्छु दिनदिनै उतै कवाज खेल्छु ।
दायाँ फर्क बायाँ फर्क भन्दा त्यसै गर्छु ।।
सर पछि मात्रै भन्छ आँखा बर्साउँछ ।
कवाज खेल्न नमानेमा शब्दै पड्काउँछ ।।
कहिले भन्छ हात उठा कहिले खुट्टा उठा ।
आधामात्रै टेक भन्छ लुका भन्छ पुठ्ठा ।।
हिजो हजूर अचम्मै भो कोट अन्तै पुग्यो ।
बाहुला मात्रै भेटें हजूर सर्दासर्दै चुँड्यो ।।
झोलासँग अल्झिएर एउटी दिदी आइन् ।
जुत्ता पनि साटिएछ लाज मान्दै लाइन् ।।
बसबाट झर्दा खेरी एउटै टाँक हुन्न ।
कहिलेकाहीँ छाम्छु आफै नाक छ कि छैन ।।
नुहाउँछु पसिनाले पानी बच्छ घरमा ।
मर्निङ वाक त्यागें हजूर कण्डक्टरकै भरमा ।।
फाइदै फाइदा भएपछि दुखका दिन गए ।
समृद्धिको अर्थ बुझे धेरै खुशी भएँ ।।
तपाईँ पनि हिड्न छोड्नुस् बसै चढौं सँगै ।
सिण्डिकेट खत्तमै भो कवाज खेलौं सँगै ।।
धादिङ