स्नेह सायमिनागरिक अधिकार
जसरी
बनाउनेहरुले बनाउने बेलामा नै
हिंड्नै नहुने बनाउंछन् {{read_more}}
मैले नहिँडी नहुने पेटीहरु
जसरी
संगै जोडिएको पसलेले
अतिक्रमण गर्छ
मैले पाइताला नटेकी नहुने भूमि
जसरी
संविधानमा उल्लिखित
अधिकारका अक्षरहरुबाटै
किचेर मारिन्छ नागरिक
जसरी कुनै पनि हत्या नदेखेझैं
मौन भइदिन्छन् मेरै सहयात्री
म कसरी बस्न सक्छु
बन्द लकरमा
“सुरक्षित” साँचेर
आफ्ना तिखा आँखाहरु ?
