चिट चोरी चिरबिर
(एसएलसी सन्दर्भ)
गेस पेपरका ठेली, चिटका थाक छन् यहाँ ।
चिट सप्ताह चल्दैछ, देशैभर जहाँ— त्यहाँ ।।
कोही नवाह भन्दैछन्, पाना च्याती किताबको ।
ए सिल्ली जाँच क्यै बोल्ने, नाना थरी दिमाग भो ।।१।।
फलामे ढोकाको, गफ रफ दिँदै कुर्ल अगुवा ।
परीक्षा गर्दैछौ, अझ पनि निकम्मा र हचुवा ।।
उही घोकन्ते वा, अधम चिट चोरी चिरबिर ।
उही चोरन्ते वा, जड अधम दादा छिरबिर ।।२।।
सधैं पुर्जा खोज्ने, नव श्रीजनमा मात्र असिना ।
बिरालो बाँध्ने नै, उपकथन भो, जाँच भुसुना ।।
सपार्ने कैले हो ? बुधजन भए बोल अब ता ।
नयाँ नीति ल्याउ, नबन बुध हो नीच भतुवा ।।३।।
धादिङवेसी