एक वर्ष पनि नपुग्दै सरकारले परिबर्तन ल्यायो
प्रतिपक्षको बिरोधका बाबजुद ल्यायो
सबै दलको सहमति जुटाई ल्यायो
बिदेशीको हस्तछेप टुटाई ल्यायो
सबैको चित्त बुझाई ल्यायो
सहिदका सपना साकार तुल्याई ल्यायो
सदन, सडक, समिति, उपसमिति सहमति ल्यायो
आपसी मेलमिलापको बातावरण मिलाई ल्यायो
सबैका ओठमा सुभकामना र सदभाव ल्यायो
देशलाई समयानुकुल अगाडि ल्यायो
नयाँ नयाँ तिथि मिति सुझाई ल्यायो
जनतामा उल्लास उमग ल्यायो
डटेर ल्यायो, लडेर ल्यायो
कसैसँग शिर नझुकाई ल्यायो
सिङ्गै देशलाई अगाडि ल्यायो
हिजो सम्म २०७० साल थियो
आज त झ्याम्मै २०७१ साल पो ल्यायो
बधाई छ, सरकारले परिबर्तन ल्यायो ।

बत्तिसपुतली, काठमाडौं