१.
म हाँसेको छैन साथी म रोएको पनि छैन
भर्खरै उठेको छु मुख धोएको पनि छैन
महलको राजा वन छिरेपछि
नेताहरूले जनता पिरेपछि
मट्टितेल नपाएर अन्न छोएको पनि छैन ।

२.
कार्यालयको बहुला कुकुर विषले वेसुर भयो
ऊ सबै कर्मचारीहरूको धूरधूर भयो
यता गयो उसले लखेट्छ
उता गयो उसले लखेट्छ
हाकिमले के सोच्यो कुन्नि रिसले चुरचुर भयो ।

३.
त्यो पारि वनमा कसैले आगो लगाई दिएछ
यौटा बटुवा आगो निभाउ भन्दै चिच्याई दिएछ
वनपालेहरू मजा भो भन्दै थे
उनीहरू आ–आफ्नो भाग गन्दै थे
त्यो कराउने मान्छे त वहुलाहा पो रहेछ ।

‘नरिसाउनू है !’ (लिमरिक–सङ्ग्रह) २०७० बाट