रुघा नलागेर तपाईंलाई के चै लाग्नु पर्थ्र्यो ?
तपाईं जस्तालाई केहि न केहि त लाग्नै पर्थ्र्यो
रमाइलो हुने लाग्न त पैसा खर्च गर्नु पर्थ्र्यो !
रुघा लागेपछि मलाई नै भेट्न आउनु पर्थ्र्यो?

तपाईं जत्तिकालाई रुघाले पनि किन छोड्थ्यो ?
रुघा सर्छ, थाहा छ नि ? हात किन मिलाउन पर्थ्र्यो ?
त्यत्ति भन्न उत्ति परबाट मेरो यत्ति नजिक आउन पर्थ्र्यो ?
थाहा रहेछ त बेला बेला नाक त पुछनु पर्थ्र्यो ?

फोकटमा लाग्ने कुरा तपाईं किन छोड्नु हुन्थ्यो ?
रुघा नलाग्न त तातो खाएर न्यानो लगाउनु पर्थ्र्यो 
त्यत्ति गरेको भए यो रुघा सार्दै हिँड्नु पर्थ्र्यो ?
कमसे कम मुखमा मास्क त लगाउनु पर्थ्र्यो ।

रुघा लाग्यो रे ! मलाई किन ? यो कुरा डाक्टरलाई भन्नु पर्थ्र्यो !
यत्रो समाचार रहेछ, के सरकारले बिदा दिनु पर्थ्र्यो ?!
अझै धेरैलाई थाहा दिन, रेडियोबाटै फुकाउनु पर्थ्र्यो
कुनै नेतालाई सुनाएको भए सायद नेपाल बन्द पर्थ्र्यो ।

रुघा लाग्यो रे ! धाक लगाएको कि दुख पोखेको ?
गुहार मागेको हो भने थाहा छ कसैले कसैको रुघा रोकेको ?
बधाई दिउँ कि समवेदना दिउँ, कि के मागेको ?
जानोस् न जानोस् पर जानोस, किन नजिक नजिक आएको ?

मैले भनेर हुने भए तपाईंलाई त इबोला लाग्नु पर्थ्र्यो 
अनि तपाईंले मेरा सबै शत्रुसँग हात मिलाउनु पर्थ्र्यो 
त्यत्ति भए तपाईंलाई र मलाई पनि सन्चो हुन्थ्यो
तपाईं जस्तालाई पनि रुघा लाग्नु हुन्थ्यो ?!
बत्तिसपुतली, काठमाडौं