डिल्लीप्रसाद अधिकारीविधान बनाउन किन अलमल…
विधान बनाउन किन अलमल भइ रहेछ
सत्ता लुछाचुँडीमा खलबल भइ रहेछ ।
कानुन सबै यहाँ छन् लागु हुँदैन एउटै
न्यायरूपी यो नाउ ढलपल भइ रहेछ ।
छोरा विदेसिँदै छन् आमाको माया मारी
शान्ति हरायो देशमा हलचल भइ रहेछ ।
लागेर घरमा आगो थुप्री सक्यो खरानी
दमकल मगाउन भरखर छलफल भइ रहेछ ।
न खान्छ घाँस उसले न घुस खायो कहिले
आँखामा आँसु कविको टलपल भइ रहेछ ।
काठमाडौं
