भए कोटि राजा !!
लुटेराहरूकै, भयो देश साजा
उनैको छ भोजन,उनैको छ खाजा !!
दुखे देशवासी, खपी भोक प्यास
कहाँ मान्नु उत्सव, कहाँ देख्नु लाजा !!
सधैँ बिक्छ बासी, सधैँ भो अभाव
तिर्यो मोल चर्को, अझै छैन ताजा !!
फुटे आज नेता, यहाँ दुष्टताले
कतै चोट पर्दा, कतै बज्छ बाजा !!
बढेछन् दुशासन, तथा धुन्धुकारी
कुटे बाबु आमा, भने अन्त जा जा !!
प्रजातन्त्र आयो, गयो राजतन्त्र
हट्यो एक राजा, भए कोटि राजा !!
पुरानो नैकाप, काठमाडौँ
हाल– न्युयोर्क, अमेरिका