कलियुगको शिवरात्री
कोही भन्छ जय दुर्गे कोही जय भोले
बसी अगेनो ठसमस गाँजा चुरोट पोले ।
लामो लामो जटामा लामै जुगा दाह्री
धुवाँको मुस्लो फाल्ने आँखा राता पारी ।
खैरे गोरे काले सबै देखिएका मस्त
बाबा पनि खल्ती भर्न भएका व्यस्त ।
परबाट सुरक्षा पनि लुकी हेरी’राको
बेला बेला सुटुक्क पैसो माग्न आको ।
लिने दिने चल्छ भने किन बन्देज लाको
कै नभाको यस्तो जात्रा हाँडीगाउँमा भाको ।
हुल्याह मुल्याह पकेटमारा शिवरात्रीमै पाको
दीन दुखीले भन्दा भतेर यस्तै यस्तैले खाको ।
कोही आ’को दोहरी गाउँदै कोही तरुणी ठेस्दै आको
हराउनेमा आफ्नो नाम आफै भन्न लाको ।
नाङ्गा बाबा हेर्नलाई
पुरुष भन्दा महिला धेरै उत्सुक पो भाको
हेर्नलाई सुटुक्क सुटुक्क भित्रसम्म गाको ।
धर्म कर्मभन्दा पनि रमाइलो गर्न आको
कलियुगको शिवरात्री कलियुगै भाको ।
दाङ, हाल : काठमाडौं