देश उँधै लाग्यो !
१. प्रगति पो भएको छ ! यस्तै भन्थे ! लाग्थ्यो !
के देख्दछु ! के देख्दछु ! देश उँधै लाग्यो !
२. पञ्चायत ढलीमली गर्थ्यो ! त्यो नि ढल्यो !
ढल्यो जीर्ण तन्त्र तर देश उँधै लाग्यो !
३. सात सालदेखि कैयौं नयाँ नयाँ कुरा
भएका थे ! जीर्ण जागे ! देश उँधै लाग्यो !
४. थोत्रा रुढी वुढी फेरि भुतप्रेत जागे !
लाखौँ लाख उड्यो ! फुस्सा ! देश उँधै लाग्यो !
५. निकै यत्न प्रयत्न त विलाए झैं भयो !
ओहो ! साँढे फ्वाँ फ्वाँ वढ्यो ! देश उँधै लाग्यो !
६. शोषण र भ्रष्टाचार नहेर्ने रे ! अन्धो !
युग हो रे ! लफन्ड्रयाउ ! देश उँधै लाग्यो !
७. अलि अलि गर्दै गर्दै स्वतन्त्र यो राष्ट्र
पराधीन हुन्छ कि ? झैं देश उँधै लाग्यो !
८. महाभारत पो आयो ! व्याप्त देशै ढाक्यो !
नचाउने को हो तत्व ? देश उँधै लाग्यो !
झर्रो नेपाली घर, चन्द्रगढी झापा