आर.आर. चौलागाईंहतार
सबैलाई हतार छ आफ्नो काम गर्न ।
कसैलाई स्कुल पुग्न हतार छ {{read_more}}
कसैलाई कलेज पुग्न हतार छ
कसैलाई अफिस पुग्न हतार छ
कसैलाई मिटिङमा पुग्न हतार छ ।
सबैलाई हतार छ आफ्नो काम गर्न ।
कसैलाई खेतबारीमा पुग्न हतार छ
कसैलाई गाईबाख्रा चराउन हतार छ
कसैलाई सवारी चलाउन हतार छ
कसैलाई व्यापार गर्न हतार छ ।
सबैलाई हतार छ आफ्नो काम गर्न ।
कसैलाई कार्यक्रम गर्न हतार छ
कसैलाई समाचार टिप्न हतार छ
कसैलाई गीतसङ्गीतमा रम्न हतार छ
कसैलाई मोजमस्तीमा डुब्न हतार छ ।
सबैलाई हतार छ आफ्नो काम गर्न ।
कसैलाई दुई नम्बरी गर्न हतार छ
कसैलाई जालझेल गर्न हतार छ
कसैलाई चोरी चकारी गर्न हतार छ
कसैलाई तासजुवा खेल्न हतार छ ।
सबैलाई हतार छ आफ्नो काम गर्न ।
म पनि धेरै हतारमा छु
यो लेखिसकेर अर्को कविता लेख्न ।
सबैलाई हतार छ आफ्नो काम गर्न ।
हेटौडा
